من طرف رؤى الروح الثلاثاء أكتوبر 06, 2009 6:56 pmلحد امتى يا دموعى هتسكتى وعيونى صاحية بتناديكى
لحد امتى هتلومينى بقسوتى وان كان فى لوم يبقى عليكى
لحد امتى هترسميلى ضحكتى وتخدعى الدنيا فيكى
قوليلى امتى هييجى يوم وتبتدى تحسى بيا وتملى عنيكى
اوعدينى ولو بكذبة صغيرة عشمينى انه هييجى
وصدقينى يوم ماتنوى تنزلى ماهيمسحك الا ايدى
صدقينى خلاص بجد تعبت منك وبقيت بجد بحلم بيكى
نفسى تطفى شمعتى ونفتح نورنا ونحييكى
خايفة ليه ومن ايه؟ نفسى سؤالى تردى علييييه
ان كنتى خايفة من الناس اطمنى كل واحد حزنه ماليه
خايفة منى ولا عليه ولا على رمشى تجرحيه؟
الناس دموعها بتتمسح وييجى غيرها وانتى واقفة مستنية ايه؟
مستنية ييجى يجرحك قلب عشتى تعشقيه؟
ولا حضن غيرى يريحك تشكيله وتبكى فيه؟
صدقينى هتتعبينى وهتتعبى وفى النهاية مش هتلاقيه
صدقينى مش هتلافى غيرى يمسحك ويحفظ سرك ويخاف عليه
اشكيلى يلا وفضفضيلى وقوليلى حكايتك ايييه
هتستنى ايه ولا ايييه؟؟ دا سؤالى جاوبى علييه
