اولا :- احب اهنى الجميع بالمجهود الرائع والجميل واعترف ان الفكرة جميلة جدا ورائعة وظريفة ومسلية وياريت الكلام اللى هقولة ما يزعل احد منى مع تقديرى للجميع واكن كل الحب والاحترام للجميع .
لاحظت ان مافى حدا بالمنتدى بيذكر اى مشاكل عن مصر او بيحاول يدلى برايه فى المشلكل والمصايب اللى كل يوم بتحصل فى مصر انا معاكم ان فكرة كرسى الاعتراف دى جميلة بس فيه اولويات يعنى لما يحصل مشكلة او كارثة واو اى شىء لازم نتكلم ونقول عن راينا مش بس لازم نرفه عن نفسنا ونريح دماغنا من اللى بيحصل حوالينا ودى مشكلتنا كمصريين او كامة عربية , مافيش حد مثلا علق ولا اتكلم على كارثة قبل امس اصطدام القطارين بالعياط واللى راح فيها عشرات الضحايا مثلا ولا حد اتكلم وشارك برايه فى الموضوع ليه مش فاهم هل اللى بيحصل ده فى بلد غير بلدنا لازم نكون ايجابيين ياجماعة ونلتفت للى بيحصل حوالينا لازم نتكلم ونشارك حتى لو مافى حد بيسمعلنا , ولا احنا اتعلمنا من الحكومة الرايقة بتاعنا نطنش كل شىء بيجرى ياجماعة الموضوع خطير بجد ومصر من يوم ليوم تسقط نحو الهاوية .
لما يموت عشرات الضحايا ومفيش دم عند الحكومة يبقى لازم نتكلم قطار اصطدم بقطار بمركز العياط بالجيزة وراح ضحيتها 20 نفس واكثر من 40 مصاب وجريح وده حسب الاحصاءات الحكومية طبعا فما بالك بالحقيقة وعادى جدا لما يطلع مسئول او رئيس هيئة سكك حديد مصر فى برنامج الحياة اليوم وعادى جدا بالنسبة له ويحسسك ان الحكومة مش غلطانة خالص لا يحسسك ان الشعب هو اللى غلطان هو اللى ركب غلط تقريبا وبغض النظر عن ( 1030 بتوع العبارة اياها زى كل مره ) عادى جدا البرود وقلة الدم اللى فى المسئولين يقولك ما بيحصل فى العالم كله حوادث قطارات والبيه الاستاذ لايعلم اى شىء يعنى مثلا لما حصل ان قطار خرج عن مساره فى فرنسا بس وراح ضحيته 6 بس تانى يوم قدمت الحكومة كلها بالكامل استقالتها وطبعا بغض النظر عن ان مصر تانى دولة بالتاريخ يدخل فيها السكك الحديد فى خمسينيات القرن قبل الماضى بعد بريطانيا العظمى ولك ان تعلم ان مصر فى السبعينيات كانت بتمتلك افضل خطوط سكك حديد بالعالم حسب تقارير الامم المتحدة ( انظر ما الت اليه فى عهد الريس حسنى ) ولك ان تعلم ان مصر هى الاولى عالميا حسب تقرير لجنة الاحصائات بالامم المتحدة من حيث حوادث القطارات وايضا الاول عالميا من حيث الوفيات نتيجة حوادث القطارات وبمعدل اربعة اضعاف عن المعدل العالمى ( الظاهر ان احنا الاول بس بكل شىء سيىء ) يعنى مثلا الاولى عالميا بمرضى الكبد والسكر والسرطان والاولى عالميا بالفوضوية وعدم الشفافية والواسطة والمحسوبية والفقر والضنك وانتشار الظلم وبعدين تلاقى المسئول يطلع يضحك على الشاشة ويقول البلد تمام وزى الفل هلى الناس دى مش عارف مش بشر ولا ايه.
رئيس هيئة سكك حديد مصر ححسنى بكلامه ان المصريين دول صعاليك ومش بشر وعادى جدا لما يموت الف ولا اتنين ما احنا كتير وعادى ويضحك وبيقولك هيصرف لكل قتيل 20 الف جنيه تعويض ( استخسر حتى يقول شهيد ) تعويض ايه ياعم الحاج دا انا لو صابعى اتكسر هنا بس فى الكويت اخد زيهم تعويض وتقولى تعويض وعادى جدا لما تتصرف المليارات على تطوير السكك الحديد ( ده طبعا حسب الاعلانات اللى ماليه التليفزيون وطبعا كله سرقة فى سرق )( وده عشان تدفع الضرايب وانت مبسوط الحرامية والفسدة اللى سرقوا البلد الله يجازيهم بقى وربنا يرحم كل شهيد , يعنى ياجماعة المقصود من كلامى ان دى كارثة لازم نتكلم عنها لا تمر مر الكرام .
ناهيك عن اللى بيحصل فى مركز ديروط بالصعيد باسيوط من الفتنة الطائفية والدبح وازهاق الارواح هناك والبهوات بتوع الداخلية ولاهنا ولا حياة لمن تنادى , وده بسبب ان بنت مسلمة للاسف مش متربية ومش محترمة ومن اكبر عائلة بالمركز اقامت علاقة غير شرعية مع شاب مسيحى والولد الشاب السافل ايضا صورها بالموبايل ونشر كل شىء على النت وبالبلوتوث وصل الموضوع لاهلها الاكابر علطول راحوا بيت الولد المسيحى ولم يجدوه قتلوا ابوه وامه وده غلط طبعا ( كل نفس بما كسبت رهين ) ايه ذنب الاب والام هما ذنبهم الوحيد انهم ماربوش ابنهم بس ليس الجزاء القتل وكمان الغلط ان اهل البنت لم يبداوا بالفتاة بنتهم الاول ويقتلوها وبعدين يقتلوا الشاب المسيحى والموضوع مانتهاش طبعا لحد كده قام كل طرف بحرق منازل الاخر وتكسير فى المحلات وحرق المحلات سواء من الطرف المسلم او المسيحى طيب والناس التانية ذنبها ايه ده اللى دعانا ليه اسلامنا الحنيف ( كل نفس بما كسبت رهين ) طيب مش مشكلة العليتين ومع بعض ايه وخلاص والموضوع برضوا مانتهاش لحد كده بل راح الطرف المسلم واخذ بنت مسيحية بتشتغل فى صيدلية لا تمت باى صلة للشاب المسيحى الا لكونها مسيحية واغتصبوها بالشارع جهارا نهارا هو ده الصح لا طبعا لايصح لم يامرنا الاسلام بهذا وطبعا الحكومة نايمة على وداناها والاخر يقوللك مصر بلد الامن والامان والسياحة خير لبلدنا طبعا كله كلام فى كلام بعد ما كانت مصر حسب التقارير الدولية افضل بلد يعيش بها المسيحيين تحت مظلة المسلمين شوفتوا الحكومة وتسيبها وصلونا لايه .
على العموم انا اسف انى طولت عليكم بس حبيت الفت انتباهكم للمشاكل اللى فى البلد مع انى خارجها بس لازم نشارك براينا ونكون ايجابيين ياجماعة واسف انى اطلت عليكم ... وشكرا
saleh abu marwan - kuwait - hawally لاحظت ان مافى حدا بالمنتدى بيذكر اى مشاكل عن مصر او بيحاول يدلى برايه فى المشلكل والمصايب اللى كل يوم بتحصل فى مصر انا معاكم ان فكرة كرسى الاعتراف دى جميلة بس فيه اولويات يعنى لما يحصل مشكلة او كارثة واو اى شىء لازم نتكلم ونقول عن راينا مش بس لازم نرفه عن نفسنا ونريح دماغنا من اللى بيحصل حوالينا ودى مشكلتنا كمصريين او كامة عربية , مافيش حد مثلا علق ولا اتكلم على كارثة قبل امس اصطدام القطارين بالعياط واللى راح فيها عشرات الضحايا مثلا ولا حد اتكلم وشارك برايه فى الموضوع ليه مش فاهم هل اللى بيحصل ده فى بلد غير بلدنا لازم نكون ايجابيين ياجماعة ونلتفت للى بيحصل حوالينا لازم نتكلم ونشارك حتى لو مافى حد بيسمعلنا , ولا احنا اتعلمنا من الحكومة الرايقة بتاعنا نطنش كل شىء بيجرى ياجماعة الموضوع خطير بجد ومصر من يوم ليوم تسقط نحو الهاوية .
لما يموت عشرات الضحايا ومفيش دم عند الحكومة يبقى لازم نتكلم قطار اصطدم بقطار بمركز العياط بالجيزة وراح ضحيتها 20 نفس واكثر من 40 مصاب وجريح وده حسب الاحصاءات الحكومية طبعا فما بالك بالحقيقة وعادى جدا لما يطلع مسئول او رئيس هيئة سكك حديد مصر فى برنامج الحياة اليوم وعادى جدا بالنسبة له ويحسسك ان الحكومة مش غلطانة خالص لا يحسسك ان الشعب هو اللى غلطان هو اللى ركب غلط تقريبا وبغض النظر عن ( 1030 بتوع العبارة اياها زى كل مره ) عادى جدا البرود وقلة الدم اللى فى المسئولين يقولك ما بيحصل فى العالم كله حوادث قطارات والبيه الاستاذ لايعلم اى شىء يعنى مثلا لما حصل ان قطار خرج عن مساره فى فرنسا بس وراح ضحيته 6 بس تانى يوم قدمت الحكومة كلها بالكامل استقالتها وطبعا بغض النظر عن ان مصر تانى دولة بالتاريخ يدخل فيها السكك الحديد فى خمسينيات القرن قبل الماضى بعد بريطانيا العظمى ولك ان تعلم ان مصر فى السبعينيات كانت بتمتلك افضل خطوط سكك حديد بالعالم حسب تقارير الامم المتحدة ( انظر ما الت اليه فى عهد الريس حسنى ) ولك ان تعلم ان مصر هى الاولى عالميا حسب تقرير لجنة الاحصائات بالامم المتحدة من حيث حوادث القطارات وايضا الاول عالميا من حيث الوفيات نتيجة حوادث القطارات وبمعدل اربعة اضعاف عن المعدل العالمى ( الظاهر ان احنا الاول بس بكل شىء سيىء ) يعنى مثلا الاولى عالميا بمرضى الكبد والسكر والسرطان والاولى عالميا بالفوضوية وعدم الشفافية والواسطة والمحسوبية والفقر والضنك وانتشار الظلم وبعدين تلاقى المسئول يطلع يضحك على الشاشة ويقول البلد تمام وزى الفل هلى الناس دى مش عارف مش بشر ولا ايه.
رئيس هيئة سكك حديد مصر ححسنى بكلامه ان المصريين دول صعاليك ومش بشر وعادى جدا لما يموت الف ولا اتنين ما احنا كتير وعادى ويضحك وبيقولك هيصرف لكل قتيل 20 الف جنيه تعويض ( استخسر حتى يقول شهيد ) تعويض ايه ياعم الحاج دا انا لو صابعى اتكسر هنا بس فى الكويت اخد زيهم تعويض وتقولى تعويض وعادى جدا لما تتصرف المليارات على تطوير السكك الحديد ( ده طبعا حسب الاعلانات اللى ماليه التليفزيون وطبعا كله سرقة فى سرق )( وده عشان تدفع الضرايب وانت مبسوط الحرامية والفسدة اللى سرقوا البلد الله يجازيهم بقى وربنا يرحم كل شهيد , يعنى ياجماعة المقصود من كلامى ان دى كارثة لازم نتكلم عنها لا تمر مر الكرام .
ناهيك عن اللى بيحصل فى مركز ديروط بالصعيد باسيوط من الفتنة الطائفية والدبح وازهاق الارواح هناك والبهوات بتوع الداخلية ولاهنا ولا حياة لمن تنادى , وده بسبب ان بنت مسلمة للاسف مش متربية ومش محترمة ومن اكبر عائلة بالمركز اقامت علاقة غير شرعية مع شاب مسيحى والولد الشاب السافل ايضا صورها بالموبايل ونشر كل شىء على النت وبالبلوتوث وصل الموضوع لاهلها الاكابر علطول راحوا بيت الولد المسيحى ولم يجدوه قتلوا ابوه وامه وده غلط طبعا ( كل نفس بما كسبت رهين ) ايه ذنب الاب والام هما ذنبهم الوحيد انهم ماربوش ابنهم بس ليس الجزاء القتل وكمان الغلط ان اهل البنت لم يبداوا بالفتاة بنتهم الاول ويقتلوها وبعدين يقتلوا الشاب المسيحى والموضوع مانتهاش طبعا لحد كده قام كل طرف بحرق منازل الاخر وتكسير فى المحلات وحرق المحلات سواء من الطرف المسلم او المسيحى طيب والناس التانية ذنبها ايه ده اللى دعانا ليه اسلامنا الحنيف ( كل نفس بما كسبت رهين ) طيب مش مشكلة العليتين ومع بعض ايه وخلاص والموضوع برضوا مانتهاش لحد كده بل راح الطرف المسلم واخذ بنت مسيحية بتشتغل فى صيدلية لا تمت باى صلة للشاب المسيحى الا لكونها مسيحية واغتصبوها بالشارع جهارا نهارا هو ده الصح لا طبعا لايصح لم يامرنا الاسلام بهذا وطبعا الحكومة نايمة على وداناها والاخر يقوللك مصر بلد الامن والامان والسياحة خير لبلدنا طبعا كله كلام فى كلام بعد ما كانت مصر حسب التقارير الدولية افضل بلد يعيش بها المسيحيين تحت مظلة المسلمين شوفتوا الحكومة وتسيبها وصلونا لايه .
على العموم انا اسف انى طولت عليكم بس حبيت الفت انتباهكم للمشاكل اللى فى البلد مع انى خارجها بس لازم نشارك براينا ونكون ايجابيين ياجماعة واسف انى اطلت عليكم ... وشكرا