انسحاب من المنتدى

انا اسف ياجماعة انا مضطر انسحب من المنتدى


مش لازم اقول اسباب بس لازم يكون في احترام اكتر من كده


واتمنى ان اكون كنت عضو خفيف عليكم

طيب عايز تنسحب ليه يا مصطفي دا انت اكتر واحد بيشارك في المنتدى

انت لو انسحبت انا هنسحب وراك صدقني انا حاسه انك مضايق مني في المنتدى عشان كنت بهزر ياعني معاك

انا قولت كده من الاول يا جماعة قولت ان في ناس خفه ما ينفعش كده
ياعني ايه اما يكون احسن الاعضاء بينسحبوا اكيد في حاجه غلط يا جماعة انا مش عارفة اقول ايه بس الاستاذ مصطفي لو انسحب يبقى في حاجه في المنتدى غلط الاستاذ كل يوم بيشارك معانا ما ينفعش يكون في ناس عايزة تبوظ المنتدى ده من الاعضاء اللي بيساهموا في مواضيعنا علي طول
ما دام الاعضاء بينسحبوا يبقى نخرج من المنتدى بقى ما دام هيبقى في النازل
ياريت الاستاذ مصطفي يرجع في قرارة تاني عشان اكيد في ناس عايزينة في المنتدى ويكفي اسلوبة الكويس
ويكفي رده علي كل موضوع
الادارة لو مش لاقية حل خلاص يبقى انا كمان منسحبة
شكرا

بلاش كلام هايف احنا منقدرش نستغنى عنك

اولا : لابد من الاعتراف بمجهود السيد / مصطفي وهو مجهود لا يستطيع احد انكاره .



ثانيا : المنتدي ليس بيتي او بيتك او بيت أي أحد حتي نقول علي هذا أن يغادر وعلي هذا أن يبقي بل إنه بيت الهياتم كلها .



ثالثا : من قرائتي لموضوعات الاستاذ/ مصطفي لم أعهد فيه إلا كل خير وليست شخصيته بتلك الشخصية المهزوزة التي لا تستطيع المواجهة او لا تتحمل الاختلاف في وجهات النظر حتي تهرب من ميدان الكلمة بهذه السهولة.



رابعا : وجدت الجميع لديه القابلية لترك المنتدي بمجرد ان يتركه أي أحد آخر – أصاب ام أخطأ في قراره – فالكل هدد بترك المنتدي اذا تركه السيد / مصطفي.



خامسا : أرجوا أن لايعتبر رأيي هذا تقليلا من قيمة السيد / مصطفي ولكنه رغبه في زيادة قيمة المنتدي لدي أعضاؤه . فإن تركه أحد – أيا كان – فسوف يستمر المنتدي وسوف يستمر ابناء البلدة في الدخول والتجمع حتي يرجع إليهم من شرد بعيدا عنهم – صائبا كان ام مخطأ- فحتما سيرجع يوما الي حضن قريته.



سادسا : ربما يكون هناك من أخطأ بحق السيد / مصطفي ولكن الجميع لم يخطئوا حتي تتركهم والمنتدي لم يخطأ بحقك حتي تتركه أيضا.



وأخيرا لي كلمة يا أستاذ / مصطفي



إن لم تراعي حق ابناء بلدتك عليك بالتواجد معهم في بيتهم وحلمهم ومنتداهم فأرحل ولن يجبرك أحد علي الاستمرار. وإن آثرت البقاء علي الرحيل من أجل المنتدي والقرية فمرحبا بك أخا كريما وصاحب بيت عزيز.



والسلام عليكم ورحمة الله وبركاته

توضيح صغير بس للاستاذ أسامة بس
اما حد يدخل علي مواضيعك ويحسسك وكأنك معملتش حاجه تبقى اهانه ليك صح ولا انا غلطانه
اما تدخل استاذ تتريق علي الاعضاء ده صح
المنتدى مفتوح للناس كلهم محدش قال حاجه بس اما نخسر اعضاء كويسه ده اللي يزعل حضرتك احنا بنحاول نطور في المنتدى مش بنخرج منه الاعضاء وحضرتك لو مقرتش تعليقات الاستاذه اللي بتتريق علي كل عضو هتعرف مش موضوع شخصية
احنا بنحاول كلنا نبقى اخوات بس بإحترام كل واحد فينا لنفسه اولا ولغيرة
سواء اللي حصل معاه او مع اي حد كان لازم يبقى رد فعلي كده

يا جماعة احنا اتكلمنا قبل كده علي موضوع التريقة في الردود
وطبعا عارفين دور الاخ مصطفي ومجهودة في المنتدى
ما دام ماحدش هيحترم حد يبقى الواحد يبنسحب عادي
احنا داخلين كلنا نبقى اخوات ونتعارف علي بعض
لازم ياجماعة كل يحترم بعضة
سواء ان كاء الموضوع كويس او وحش
فدي حرية شخصية لكل فرد ان يعلق تعليق مش اكتر

الى الجميع ياريت تعرفوا انى اتشتمت بدل المره مرتين فى المنتدى ده وبرضه كملت ونقلت بطوله دورى القريه كامله مع انها هيا كانت السبب فى شتيمتى مرتين والله العظيم ومع ذلك لم ولن اترك المنتدى
كلمات اخيره الى الجميع
مصطفى كامل::مجهودك اكثر من رائع ومستنين منك الكزيد
رشا::بالنسبه لموضوعاتك الى مش بتيجى فيها ردوددا مش عيب منك اعذرينى عدد اعضاء المنتدى ليس بالعدد الكافى الذى يملاء جميع الموضوعات بالردوداما بالنسبه للعضوه الى انتى بتتكلمى عنها انا راسلت الاداره خلاص وهيتم التعامل معها قريب قوى
اسامه شراره::عندك حق فى كل كلمه قلتها
ابوالكلام::الانسحاب مش الحل السليم ولا الصحيح فيه اداره وهيا هتجيب حق اى واحد وانا واثق من كده
كلمه اخيره الى مصطفى الجميع هنا لن يستغنى عنك فلا تتركنا انتا وترحل بسهوله

ياريت نشوف مواضيع الاستاذ مصطفي تاني وبشكر ندا علي كلامها وياريت كلنا نبقى ايد واحده وياريت الادارة تتابع الردود وتحذر كل الاعضاء