يلا نعمل حوار ساخن ما بين البنات والشباب

السلام عليكم ........ و احيكم على الموضوع المتميز
واحب اجاوب على سوءال الاستاذاسامه..... انا شايف ان مفيش اصلاحب قبل الزواج هوممكن نسميه اعجاب اوارتياح لكن الحب يبقى بعد الزواج من خلال العشره بين الزوجين وفعلا يحسوا بالحب ومقدروش يستغنوا عن بعض
فمن الخطأ ان نسمى ما قبل الزواج حبا
وعن الفتور فى العلاقه بعد الزواج ممكن يكون من الروتين فى حياة الزوجين والضغوط اللى عليهم والمشكله انهم مش بيفكروا انهم يحافظوا على علاقه الدفء بنهم وخلاص مش بيقولوا لبعض كلام رومانسى زى قبل الزواج وكل الكلام عن الحياه اليوميه
والعيال والاسعار وفلان وعلان ولازم نقول هنا ان بعض الزوجات مش بتهتم بزوجها وعلى مظهرها



ده كان وجهة نظرى فى المشكله رغم انى غير متزوج اصلا

الراجل في الخطوبة يا سلام بيبقى ملاك وساحر وبعد الجواز
ولا كأنه متجوز حماته
وتلاقي معاملته اتغيرت معاها ولا حتى بتسمع كلمة واحدة من اللي كان بيقولها في ايام الخطوبة كان شاطر بس عاملها ساحر في الخطوبة وكان شوية يقولها انتي حياتي انتي عمري انتي كل حاجه ليل في الدينا
لحد اما يجي اليوم الموعود ويتجوزا وتشوف ياعيني المسكينة حاجه تانية
وتتغير كلمة انتي وتسمع كلمة روحي
ممكن تسمع روحي في مصيبة
روحي عند امك
روحي وانتي طالق
روحي اللهي كلب يعضك
ههههههههههه
وكلمة روحي دي تبقى عنده زي صباح الخير
الراجل اصلا بطبعة مستبد واستغلالي لكل شئ
حتى للكلمة الحلوة اللي عايز يقولها
ممكن الست بعد الجواز تتطلب انها تسمع كلمة بحبك حتى
ممكن يرد عليها بكل بساطة يقولها ما انا قايلك من اسبوعين انتي هتنهبي بقى
وكان الله بالسر العليم

الراجل بيبقى ممل جدا بعد الجواز لازم يعرف يتعايش مع الانسانه اللي متجوزها ويحسسها انها ست وانها كل حاجه في حياته

رائع جدا واعتقد ان الحوار بالفعل قد أصبح ساخن واسمحوا لي بأن أوضح بعض النقاط الهامة :-



- بدأت النزعة العصبية والتحييز الأعمي يظهر منذ اول الكلمات بالحوار فكل منا قد تحيز لجنسه وهي ظاهرة طبيعية تحكمها الطبيعة الانسانية فقط لا غير .

- ولكن لازال الحوار علي مستوي عالي ورائع من المسئولية الاجتماعية والأدبية حتي الدعابات التي أتت بداخله جميلة ومقبولة.

- لا أعرف لماذا يتهم كل منا الآخر فلو كل منا فكر في نفسه وفيما يفعل لحلت كل المشكلات . بمعني لماذا يلوم الزوج الزوجة ولا يلوم نفسه أولا. فهل قد نجح في تأدية كل المطلوب منه علي أكمل وجه حتي ينتظر رد الجميل من زوجته العزيزة؟ أم مازال لديه نقص ويطلب من زوجته أن يكون دورها كاملا ؟ ونفس السؤال أوجهه للزوجات !! فهل من اجابة؟!.

- وعن تجربه شخصية أقسم لكم بأن التفاهم والتسامح والود هم أساس أي زواج ناجح ومنهم يولد الحب الصادق والدفء العالي .

- فلو كل طرف تحمل من أجل الآخر وعلم أن الحياه ستمضي شاء أم أبى ، رضي أم لم يرضي ، لحلت معظم مشكلات حياتنا.

- وأخير لو أننا تمسكنا بشرع الله لوجدنا الحلول لكل مشكلاتنا فالحق تبارك وتعالي يقول " ومن آياته أن خلق لكم من أنفسكم أزواجا لتسكنوا اليها وجعل بينكم مودة ورحمة " إذن فالغرض من خلق الزواج الذي جعله الله آيه من آياته ودليلا من أدلة قدرته وجعله أساسا لمجتمع إسلامي ناجح هو السكني الي بعضنا بعضا والسكني هذه انما تكون بالمودة والحسني والتسامح حتي يجعل الله بينا الرحمة والمحبة .

- آسف للإطالة عليكم وارجوا أن أكون قد وفقت في شرح وجهة نظري جيدا . وأدعوا لكم جميعا أن يرزقكم الله نعم الزوج او الزوجه وان يجمع بينكم في خير ويجعل لكم من أزواجكم وأولادكم قرة أعين .

تقريبا الحوار دخل الثلاجة ولا عزاء لمجهودك يا رشا