مباراه المستقبل و الاتصالات

بسم الله الرحمن الرحيم
مباراه المستقبل و الاتصالات
النتيجه/2-1لصالح المستقبل
الاهداف للمستقبل النجم الكابتن حربى عمران و النجم الموهوب محمد علوان
وللاتصالات احمد عمران
الحكم /احمد البرادعى
رجل المباراه/احمد البيلى



تفاصيل المباراه
المباره كانت مباراه من جانب واحد من جانب المستقبل الذى حقق فوزا سهل على الاتصالات الذى حل ضيف على المستقبل احرز الكابتن حربى عمران الهدف الاول للمستقبل من ضربه جزاء استطاع ان يحرزها بكل خبره و هو اكبر لاعب فى البطوله ثم استطاع محمد علوان من احراز الهدف الثانىمن تسديده قويه واصبح هدف الدوره حتى الان ثم قام الاتصالات من احراز هدف غير متوقع ولكن لم يغير من رتم المباراه التى كانت فى جانب واحد ولكن من ضربه حره غير مباشره استطاع منها الاتصالات احراز هدف ولكن لم يحتسبه الحكم وانتهت المباراه

اعداد/محمد كحله

مصطفى حسين

شكرا على الردود

وانا برد على النجم الكبير محمود ابو النور بقوله تعرف السبب في ضعف مستوى الدوره ايه ؟؟؟؟

* ان فيه مجموعة صغيره جدا من الناس اللي مسموح لهم باللعب في النادي واحنا كلنا نعرفهم كويس وتقريبا المجموعه دي هي اللي مهتميه باللعب ومواظبه عليه وطبعا ما نقدرش نلومهم على الاحتكار ده
* السبب التاني ان فيه عدد محدود جدا من المحترفين السنه دي .. دا اللي انا شايفه
* السبب التالت ان فيه فرق اللاعيبه فيها لا تتعدى الـ 15 سنه يعني مجهود ضعيف جدا حتى لو يمتلكون مهارات فنية وتكتيكية لابد من اللياقة البدنية وهي الاساس في لاعب كرة القدم من وجهة نظري المتواضعه .
* السبب الرابع والأهم ان ما فيش ادارة بالنادي تهتم بتدريب اللاعيبه .. شوف مثلا قرية بولقينه تدريب يومي لجميع الاعمار بالاضافه الى وجود جيم في النادي ولو بصيت هتلاقي ان النادي بتاعنا يفوقهم من حيث المساحه والملعب والارضية والامكانيات وعدد اللاعيبين واحسن منهم في كل شىء يبقى احنا اولى وطبعا مش هتكلم على الفلوس اللي المفروض بتدخل اي مركز شبات في الدنيا ربنا بس هو اللي يعلم .. جايز مركز الشباب بتاعنا مش زي المراكز التانيه " دا احنا حتى مركز شباب محترم وله شهرته او جايز الفلوس دي بتتصرف في حاجات تانيه الادارة هي بس اللي شايفاها الله اعلم يا جماعه .. دا صالة الحديد ما اتغيرتش من اول ما النادي اتعمل ...
انا بقالي فترة ما شفتش النادي جايز والله اعلم وانتوا كمان تعلموا ان حصل تغيير او شىء
يعني يا حوده عشان تشوف دوره صح ... لازم على الاقل يبقى فيه اهتمام من ادارة مركز الشباب
وانا بشكر ادارة المنتدى د/ محمد ابو كحلة ومصطفى وجميع العاملين بالمنتدى انهم بيعملوا المجهود الرائع دا في ظل الظروف الــــــــــــــــــــ دي ... شكرا .. ما تزعلش يا حوده انا متفائل بتغيير ان شاء الله الفترة اللي جايه على ايد الشباب اللي زي محمد ابو كحلة ومصطفى وجميع ادارة المنتدى اللي من وجهة نظري ان اجمل شىء اتعمل في البلد الفترة اللي فاتت دي .. على الأقل لقيت مكان تتكلم فيه براحتك ..............طولة عليكم ايه الرخامه بتاعي دي .. اسف سلالالالالالالالالالالالالالالام
.."