لما تحب تسمع ! أسمع صوت البحر فى القوقع
لما تحب تنام ! نام على الرمل
لما تحب تستطعم ! أستطعم بلسانك
لما تحب تتنفس ! روح الصحرا
لما تحب تنسى ! انسى
لم تحب تمشى ! أمشى حافى
لما تحب-ها ! قولها
لما تحب تشوف ! أرحل
لما تحب الحب اللى هو الحب !! لازم تختار
لما تحب هتلاقى حد يحبك
لما تحب تلعب ! العب بعيد
لما تحب تتعلم ! أتفرج على جدك
لما تحب تدخن أنفخ فى صدر أبنك
لما تحب تنبسط أعمل اللى فى مزاجك
لما تحب تدور على حاجه !! دور عليها فى حته منوره
لما تحب تعُبد سلم أمرك لله
لما تحب تكفـر اكفــَر و ما تسلمش أمرك الا لنفسك
لما تحب تصطاد أضرب بسهم صغير
لما تحب تكسبنى صارحنى
لما تحب تغنى ارفع صوتك
لما تحب تشتم ما تستخباش
لما تحب تستخبى ما تروحش عند صاحبك
لما تحب تتكلم هات من الأخر
لما تحب تهمس أهمس فى طرف الودان
لما تحب تشوف بص من فوق
لما تحب توصل أمسك أول الخيط
لما تحب تتسلطن ألبس طرطور
لما تحب تفرح أفتح الشبابيك
لما تحب تداوى أجرح
لما تحب تسكت أتكلم بعينيك
لما تحب تصاحب صاحب صاحب
لما تحب الورده ماتقطفهاش قبل الأوان
لما تحب تسرق ! أسرق اللى هاتقدر تشيله
لما تحب غير لما تتحب
لما تحب تفتى ! امسك لسانك
لما تحب تستفتى ! أختار
لما تحب تتقى الشر ! أدفع