4 مشترك

تعالى اضحك عندنا وبس

doctor medo: عضو جديد; تاريخ التسجيل : 08/10/2008
عدد المساهمات : 28
العمر : 38

مساهمة رقم 1

تعالى اضحك عندنا وبس

من طرف doctor medo الثلاثاء نوفمبر 18, 2008 4:45 am

طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
***************
واحد سافر امريكا ...وبعد سنتين اتصل بأبوه وقال له انا اتجوزت وجاني ايدز .......... ابوه إضايق قوى وقال له ... ليه ما سميتوش على اسم جدك
****************
غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟
*****************
اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت
*****************
مره دكتوره تحاليل امه ماتت مشي في جنازتها وقعد يعيط ويقول تحاليلي يا ما
*****************
فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول
****************
واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟
*******************
واحد قتل حماته، الضابط بيسأله اسمك ايه؟ قاله: اكتب فاعل خير
********************
واحدة عاوزة زوجها يحبها من اول ليله قالته : اسكت .. مش انا حامل
********************
واحد بلدياتنا حب يشرب سيجارة حطها ف كباية
********************
بلدياتنا حب يوصل بلده بسرعة ركب القطر وقعد يجرى فيه
******************
بلدياتنا قتل مراته عشان رضيت تمسك إيده
******************
مأذون مش لاقي شغلانة طلق مراته
******************
مهندس كهربا شاف سلك عريان .. اتكسف منه
*****************
مره واحد حط حجر للراديو المذيع اتصطل
********************
مره واحد بلديتنا وقع من عاشر دور قام ينفض هدومه
**********************
واحد راح لحلاق بقوله انا جاى اخد دقنى قالوه ليه هو انت نسيتها هنا
*****************************
مره واحد بلديتنا اتغاظ من مراته ولع فى نفسه وحضنها
*********************
بلديتنا راح ينشر خبر فى الاهرام ملقاش حبل
**********************
واحد راح يسوى معاشه لقى الفرن قافل
*******************
مصوراتى طلع له عفريت .. حمضه
*********************
طبيب نفسى اشترى ساعة سيكو عالجها بالصدمات
*********************
مرة دكتور تحليل امه ماتت قال تحاليلي ياما
**************************
مرة جاموسة جلها جفاف جابت لبن بودرة
************************
كهربائى تجوز وحدة اسمها نجفة، كل مايبوسها يقف ع لوح خشب
******************
(مرة واحد فرعونى حب واحدة فرعونية قال لها: (آمون فيكي
*******************
نجار مراته تغسل الغسيل، وهو ينشره
********************
بلدياتنا نزل البحر و كان فية سحب جامد .... كسب تلاجة
**********************
دكتور محشش ضحى بالأم و الجنين عشان العملية تنجح
*********************
محشش قالوا له قول لنا طير بحرف الكاف، قالهم كنتاكي
******************
فرخة استحمت بهد اند شولدر باضت بيضة من غير قشرة
**********************
مره واحد خياط اشتغل سواق تاكسى بقى ينزل الزبائن ويركب زراير
*********************
اغبيا عملوا مظاهره عشان يصلو الجمعه يوم التلات
*********************
واحد رخم نزل الشارع وقف قدام عمود ... قالوه عديني
******************
مرة كهربائى اتجوز كهربية خلفوا ولد سموه لمبة و علقوه
***********************
غبى لقى أتوبيس مكتوب عليه السيدة زينب - قلع الجزمة و ركب
**********************
لمونة لونها اصفر، ليه ؟ .. ما بتاكولش يا عيني
*********************
مره واحد مقاول دماغه صدعت جابلها قرار إزالة
************************
في دكتور عيون شاف اشارة المرور حمراء نزل حط لها قطرة
*************************
واحد رخم أوي دخل غرفة دردشة عمل على الناس كلها (إجنور)ـ
****************************************
واحد كمسري بيقول لابنه : ان "تذاااااااكـــــــــــــــر" ... تنجح
**********************
بلديتنا رجع من السفر لقى الشقة مليانه صراصير.. غير قفل الباب
***********************
لعيب كورة .. شاط ريحته طلعت
*************************
سعاتى بيصلح ساعه العقارب قرصته
***********************
بلدينا داخل عند حلوانى قاله عندك جاتو قاله اه قاله هاتلى قفصين
**********************
مره واحد عداه العيب استنى العيب اللى بعده

doctor medo

doctor medo: عضو جديد; تاريخ التسجيل : 08/10/2008
عدد المساهمات : 28
العمر : 38

مساهمة رقم 2

رد: تعالى اضحك عندنا وبس

من طرف doctor medo الثلاثاء نوفمبر 18, 2008 4:46 am

**********
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع
*************
واحد أحول راح يجيب أبوه من المطار باس الشنطة وشال أبوه
*************
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
*************
محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
*************
واحد ندل فتح مصنع بيبسي كتب على كل علبة : رج جيدا قبل الفتح
*************
بلديات فتح محل انابيب غاز .. فجّر اسطوانتين فى وسط البلد .... دعاية
*************
واحدة راحت تخطب لابنها .... ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر
*************
بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
*************
واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور
*************
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
*************
واحد نذل ابوه طرده من البيت وهو طالع كتب على السور ، مقر حركة طالبان
*************
كمسرى ماشى فى جنازة بيقول يا جماعة الجنازة فضيا قدام
*************
صومالى ركبه عفريت العفريت مات من الجوع
*************
محشش سأل واحدة اسمك ايه؟ اجابت : أسماء. فقال: يعني ما فيش اسم محدد
*************
مرة واحد راح السودان بالليل ملاش حد
*************
مرة واحد بلدياتنا عرف ان الجلد موضة مشى عريان
*************
ظابط مرور لقى شقته ديقه عملها إتجاه واحد
*************
مرة واحد بتاع سمك ابنه مات فماشى فى الجنازة يقول :كان صاحى وبيلعب
*************
مرة واحد بلدياتنا وقع فى حفرة نزلولوا حبل طلع مخنوق
*************
وحدة تقول لحبيبها أهلى مسافرين والبيت فاضى قالها أقرئى قرأن ومتخافيش
*************
واحد بيقول لخطيبته انا مش غني ولا عندي مرسيدس ويخت زى محمود بس انا بحبك .... خطيبته: وانا كمان بحبك لكن احكي لي اكتر عن محمود
*************
ديك و فرخه معديين من قدام محل شاورما .الديك بيقولها شوفى اللى بيحصل للى مبتسمعش كلام جوزها
*************
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
*************
واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا وى دلوقتى لسا جنبي مسك ايدها بحنيه و قالها مش عارف ليه حاسس انك نحس
*************
واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى
*************
مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش
*************
واحد بلدينا اشترى موبايل، ركبله جهاز اظهار رقم الطالب
*************
مرة أربعة بلدياتنا راحوا فرح
الأول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة
*************
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز ضربه..
بلدياتنا: إحنا (بنفكر) ولسه مكملش ،،،،،،،،،،راح الجهاز ضربه
*************
واحده بلدياتنا قالت لجوزها قولى كلمه حلوه قال لها بسبوسه
قالت له يا اخى قولى كلمه تهزنى قال لها مرجيحه
قالت له قولى كلمه احس فيها انى مراتك قال لها انتى طالق
*************
مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي هاريدي هاريدي، تاني يوم شاف الموظف نفس الحكاية، ثالث يوم شاف نفس الحكاية فراح يسأل حد من الجماعة دية ونبي يا بالادينا شايفكوا بتسقافوا و مهياصين على الأخر هو في أية قالوا أحسن غطاس عنديكم بيجعد جد اية تحت المية قالوا ثلاث دقائق ، قالوا هريدي ولد عمي بجالوا تلات تيام في المية ومطلعش
*************
بلادينا بيقول لبلادينا (أنا تعبان من الروماتزم) رد عليه وقاله (أنا جرجاوي من فرشوط)
*************
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله مميزات الحمام فقال: ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه!!!!!
*************
واحد بلدياتنا ركب سيارة مرسيدس حديثه فتح الراديو لقي المذيعه بتقول هنا لندن راح قايل: يلعن ابو السرعة
*************
مرة كان في واحد بلدياتنا ابنه تعب
وداه للدكتور وبعدين خرج الدكتور وقاله ابنك مات.....
ابنه: بابا انا عايش ما موتش....
بلدياتنا: اسكت انت.. يعنى هتفهم اكتر من الدكتور
*************
واحد بلديتنا سافر بره بعتوله برقيه ارجع فورا يوجد امر خطير رجع على اول طياره قابل اخوه الكبير فى المطار تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه الثانى فى السياره تعبان وحالته حاله ودقنه طويله قاله فى ايه طمنى ابويا
جراله حاجه راح مطبطب عليه وخده فى حضنه سافروا لقا اخوه الثالث على باب البيت تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه دخل على ابوه فى السرير لقاه نائم تعبان وحالته حاله ودقنه طويله قاله فى ايه طمنى يا ابويه انت كويس رد عليا راح ابوه قاله ياحسنين وديت ماكينه الحلاقه فين
*************
بلدياتنا دخل صالون حلاقة و لما الزباين مشيت الحلاق قال له تعالى احلق لك
فقاله بلدياتنا انا مش جاى احلق.... قاله: امال اية.......... قال انا جاى اسال عن البيه اللى ساكن فوق.. الست قالت لي اقعد فى الصالون لغايه ما البيه يجى
*************
بلديتنا شاف فى الجرايد حادثه واحد فى امريكا قتل مراته ودفنها تحت السرير والبوليس الأمريكى لم يكتشف ذلك الا بعد 25 سنه قام قال لنفسه يبقى انا لو عملت كده البوليس عندنا مش حيكتشف ابداً راح فعلاً قاتل مراته وحفر تحت السرير وحطها مفيش ربع ساعه والبوليس قبض عليه فتعجب قوى وسأل الظابط انتم ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد
عليه الظابط اصل فى امريكا الراجل كان ساكن فى الدور الأرضى وأنت ساكن فى الدور الخامس
*************
مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.
قعد أصحابه يشدوه و يضربوه علشان يبعد عن الحيطة ما عرفوش. لحد ما ودوه المستشفى و لكنه مات. .....تقرير الطبيب الشرعي: سبب الوفاة ضرب أفضى إلى موت
*************
واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)
*************
مرة واحد بلدياتنا دخل مطعم بيتزا الرجل جابلة البيتزا قاله تحب نقطعها علي 8 قطع ولا 16 قطعة.. قاله لا 8 قطع علشان ما اقدرش اكل ال 16
*************
واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا:3 بيضات
راح الراجل ماسكه وراميه
*************
واحد بلدياتنا دخل السينما فوجد يافطة مكتوب عليها ممنوع الدخول لأقل من 16
رّوح البلد وجاب 15 نفر وجه
*************
مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا واحنا قاعدين
قام رد عليه واحد: خلاص احنا لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.
*************
مرة اثنين بلدياتنا بيلعبوا.. شطرنج ....الملك مات بالسكتة القلبية
*************
مره مدير شركه مارلبورو قابل مدير شركه كيلوباترا فقالو انا مره لقيت فى السجاره بتاعتكم خشبه .. انتم بتستوردوا التبغ منين ...فرد عليه مدير شركه كيلوباترا متعجبا .....يعنى ايه تبغ!!!!!؟؟؟؟؟؟
*************
واحد بلدياتنا بيلف علي اكشاك السجاير يقول للبياع بتعرف تتكلم انجليزي يقوله البياع لا.. يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو
*************
واحد أشترى عربية بالكمبيوتر فلما عدى التسعين قال الكمبيوتر "بعد التسعين تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه ما وصل إلى 180. كيلو فصاح الكمبيوتر"يخرب بيتك نزلني هنا"
*************
جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم فى بلاد برة فقالهم: ابعتولي عينة من التربه احللها!!!
*************
واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له: لأ اوعى تيجي دلوقت أحسن أبو سيد مستخبي في الحمام
*************
مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا
*************
دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه
*************

doctor medo

doctor medo: عضو جديد; تاريخ التسجيل : 08/10/2008
عدد المساهمات : 28
العمر : 38

مساهمة رقم 3

رد: تعالى اضحك عندنا وبس

من طرف doctor medo الثلاثاء نوفمبر 18, 2008 4:47 am

بخيل على فراش الموت ، قبل ما يموت بيسأل عن اولاده ... فين محمد ؟ قال محمد : نعم يا بابا ..وفين محمود ؟...رد محمود باكيا، انا هنا يا بابا ...........الأب : ايه ده .. انتم الاثنين هنا و سايبين نور الصالة والع؟
*************
واحد كهربائى ابوه مات دفنه فى الحيطه
*************
مرة 5 دخلوا كلية الهندسة اثنين طلعوا مهندسين وثلاثة مدينة نصر
*************
بياع جرايد ابوه مات مشى فى الجنازة يقول اقرا الفاتحة
***************
اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
*******************
مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين
******************
واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!!
**********************
واحد دمياطى بيغرق ..... منوفى ماشى على الشط .. الدمياطى انقذنى ... المنوفى قاله هات جنيه ....الدمياطى بببببريززةااااا
***********************
ابو العربى فى حرب اكتوبر راكب فلوكه فى القنال وبيحكى ويقول لقيت فوقى واد طيار اسرائيلى اول ما شفنى حدف عليا صاروخ قمت زقيته ..راح حادف واحد تانى وطيت راسى راح جاى فى الفلوكه وقعت فى المية واتشعلقت فى خشبة وقعت اجدف بيدى.. حدف عليا صاروخ تانى قمت غاطس فى القنال.. برده لقيته نازل بالطيارة عليا وقرب منى خالص وحدفلى قروصه مارلبورو وقال لي جدع يآله
*************************
مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى
**********************
طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات
**********************
بلدياتنا فتحوا محل بيتزا .....سموه بيتزا هعععععععععععع
****************
بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عندك عصايه؟ قاله: ايوا الاب قاله : اديله بالألم
**********************
مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ‌‌‌‌‌
***********************
مرة واحد كبابجى اتجوز فرش لمراته السرير بقدونس
***************
مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة
******************
في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك
****************
مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين
*******************
سكران بيقول سبحان الله الانسان زي البني ادم لما بيتوفى بيموت
***************
اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص
*********************
اتنين مساطيل قاعدين يحششوا ...فمرت جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ محروس فقال الاولانى الله يرحمه ، وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ فرد عليه دي جنازة عمّ محروس فقال الله برحمه ، وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ قاله دي جنازة عمّ محروس فقاله: هي الدنيا ملطشة معاه كدة لية
******************
مرة واحد منوفى خرج من الجيش فتح كشك شرطة عسكرية
*****************
واحـد بلديـنا شــاف دورة مياه ،، راح يـســـجل فيهــا
***************
مرة محامى مسطول وقف امام القاضى يترافع فقاله يا سيدى القاضى ان القانون يانص..ياربع..ياتمن
****************
أبو العربى قابل واحد صاحبه متغاظ من امريكا فقال له شوف امريكا من غضب ربنا عليها خلاها هناك فى آخر الدنيا لكن مصر يادوب ساعتين بالبيجو
****************
مره واحد اخنف وقع في حفره فجه واحد معدى قاله ممكن تطنعني ....فقال انت كمان حتتنيء عنيه
**************
اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه
*****************
مره أبو العربى ماشى فى الشارع قابل أبو محمد بيقول له هوا أبوك بيتآلط علينا ليه قال له ليه ياعم... قال له من ساعة مامات محدش عاد بيشوفه
********************
ابو العربى قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح يابو العربى انا قابلت نفس الاسد ضربته بالقلم ايدى اتبلت
*******************
مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية قاف ميم فقال لزميلوا ايه قاف ميم ديه قالوه التاني ده تقريبا رقم العربية الي دستوا
*****************
مره واحدبلدياتنا بيلعب كوره انفرد بحارس المرمي قتله
***************
واحد غبى دخل بيته حرامى سرق التليفزيون وهرب ... جرى وراه يديه الريموت
*****************
مرة واحد بلدينا بيقول لعسكرى زميله فى الحرب : انت من دشنا ؟ قال له لأ .. راح ضربه بالنار وقال له تبقى من ديش العدو
*****************
سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب....
****************
واحد بلدياتنا اشترى تاكسى ولما الناس بتنده عليه فى الشارع و تقول تاكسى يرد عليهم من شباك التاكسى ويقول ايوه تاكسى
*********************
تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!
****************
بلدينا عايز يروح حفلة تنكرية بعت اخوه
*******************
واحد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة
*******************
سبع بلدياتنا عملوا عصابه.... سموها الشجعان الثلاثه
***************
واحد ندل اوى راح عند مقبره وشغل الكاسيت على العالي على اغنيه الحياه حلوه
****************
مره مهندس وقع فى حفره رفعوه بزاويه
****************
السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل
*************
في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي
**************
ندل اتصل على برنامج أغانى ، و طلب اغنية بابا فين ، و اهداها لكل أيتام العالم
***************
مدرس رياضه نذل.... عينوه في مدرسه معاقين اول درس كان بعنوان : قفز الحواجز
************
سواق ماشى ع الطريق ، واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
*******************
مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة
*******************
مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه
***************
مره واحد راح للسوبر ماركت قله عندك معلبات رد عليه ايوه قله طاب ادينى علبة كبريت
**************
واحد راح لبتاع الخضار قال له عندك ملوخيه خضراء قال له اة قاله مفييش الوان منها
**************
اتنين قاعدين بيحششوا فوق السطوح... الاول: الحق يا منير ابوك مات .. ، راح شدله حجرين وقعد يعيط ..... بعد شوية الحق يا منير امك ماتت ... ، راح شدله حجرين تانى وقعد يعيط .... شويه يا منير الحق اخوك مات ... راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه ....وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً
*****************
في واحد مسطول سالوه ايه رايك في الزواج المبكر ؟ قال لهم .... يعنى حوالي الساعة كام ؟؟
***************
مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا
*****************
اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات
*******************
واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد
*************
مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
*****************
مره واحد بلديتنا جاب عربيه اوتوماتيك راح قاطع رجله الشمال
*************
سوداني اتجوز سودانيه خلفه صبي اشقر وعيونه خضر سمه مستحيل
*************
فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس
***************
مره مهندس خارج من بيته مراته بتقوله على فين العزم قالها فى اتجاه القوه
*************
مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!! لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها
*************
واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا
****************
تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا
****************
واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
****************

Dentist

Dentist: Admin; تاريخ التسجيل : 28/06/2008
عدد المساهمات : 223
العمر : 37
اوسمه :
الجنس :

مساهمة رقم 4

رد: تعالى اضحك عندنا وبس

من طرف Dentist الثلاثاء نوفمبر 18, 2008 6:46 pm

ايه ياعم كل ده

هههههههههههههههه

حاجات زي العثل زيك كده

مشكوووور علي المجهود الرائع

علي فكره انا ظبطت شويه في الموضوع من فوق لو خدت بالك

وعجلت اليك ربى لترضى

وعجلت اليك ربى لترضى: مستشار المنتدى; تاريخ التسجيل : 05/08/2008
عدد المساهمات : 677
العمر : 36
اوسمه :
الجنس :

مساهمة رقم 5

رد: تعالى اضحك عندنا وبس

من طرف وعجلت اليك ربى لترضى الثلاثاء نوفمبر 18, 2008 10:31 pm

مرة 5 دخلوا كلية الهندسة اثنين طلعوا مهندسين وثلاثة مدينة نصر

مرة واحد كل ما ينام يحلم بكتاكيت تلعب كورة . فى كل
مرة يحلم نفس الحلم فذهب للدكتور فقال له الدكتور لا تنام يوم أو اتنين
قال له ما انامش ازاى دا بكره النهائى

مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة

تسلم ايديك نكت حلوة بجد

وكمان جايه فى وقتها

اللى فوق طبعا دولت اكتر تلاته عجبونى قوى

طبعا الكل عجبنى بس دولت احسن تلاته

جهد رائع

doctor medo

doctor medo: عضو جديد; تاريخ التسجيل : 08/10/2008
عدد المساهمات : 28
العمر : 38

مساهمة رقم 6

رد: تعالى اضحك عندنا وبس

من طرف doctor medo الأربعاء نوفمبر 19, 2008 3:43 am

تسلمولولى يا رجالة
وان شاء الله هناك المزيد

ahmed

ahmed: Admin; تاريخ التسجيل : 05/08/2008
عدد المساهمات : 442
العمر : 33
اوسمه :
الجنس :

مساهمة رقم 7

رد: تعالى اضحك عندنا وبس

من طرف ahmed الخميس نوفمبر 20, 2008 11:20 pm

مجهوووووووووود رائع
و
مشاركه ممتازه
ربنا يخليك للمنتدى

(never say good bye team)

الأعمى يتمنى ان يشاهد العالم
والأصم يتمنى سماع الأصوات،
والعاجز يتمنى المشى خطوات،
والأبكم يتمنى أن يقول كلمات،
وأنت تشاهد وتسمع وتمشى وتتكلم , فهل شكرت رب الأرض والسماوات؟!!!
فاحمد ربك اخى واشكره فى اسعد واصعب اللحظات

مواضيع مماثلة

» اضحك بس اضحك بس
» مطلوب ناس جدعان قوى عندنا شغل
» اضحك على نفسك بعد 40 ثانيه
» تعالى شوف نفسك مجنون ولا ايه ؟
» عايز تشوف مصطفى حسنى .....تعالى معانا

الكلام كلامنا المنتدي الأول لشباب قرية الهياتم

الكلام كلامنا المنتدي الأول لشباب قرية الهياتم

الكلام كلامنا المنتدي الأول لشباب قرية الهياتم

تعالى اضحك عندنا وبس

تعالى اضحك عندنا وبس

رد: تعالى اضحك عندنا وبس

رد: تعالى اضحك عندنا وبس

رد: تعالى اضحك عندنا وبس

رد: تعالى اضحك عندنا وبس

رد: تعالى اضحك عندنا وبس

رد: تعالى اضحك عندنا وبس

مواضيع مماثلة

مواضيع مماثلة