كرسى الأعتراف:سما على الكرسى

انا مش عارف هو ده سؤالك ولا ايه اغير بس لون الخط ولا ايه بس عشان السؤال له كذا اتجاه
وبعدين عايز اسئلة جامده طحن

وبعدين عايز اسئلة جامده طحن

شريكه حياتي مش شرط تكون جميلة قوي لأن الجمال مش كل شئ
يكون دمها خفيف وعندها قبول
يكون عندها اسلوب في الحوار
ذكية بس مش قوي عشان ما تتعبنيش هههههههه
تكون منظمة ودي من اهم حاجه بحبها النظام
تكون هادية وخجولة في كلامها
مش اتجوز واحده اقولها صباح الخير تقولي انت لسه عايش ههههههه
تعرف امته تشد وامته ترخي
والله الواحد عايز حاجات كتير
لو مالقتهاش بقى امري الي الله اعملها عمولة بقى


اما موضوع قريتنا
دي طبعا من احسن القري اذا ما كانت احسنهم طبعا
قريتنا احسن حاجه بحبها فيها ان احنا بنقف مع الغريب ضد بن البلد
ودي ميزة حلوة مش كل القري بتعمل كده ونحترم الغريب قوي

اما الحاجه اللي مش عجباني فيها
عدم الوعي في كل شئ والاستهتار بأي شئ
كثرة القهاوي دا متهيألي دلوقتي كل بيت بقى فيه قهوة
محدش بياخد بنصيحة حد في البلد عندنا بالذات الجيل اللي طالع
بنتشطر علي بعض في حاجات كتير قوي اكيد كلنا عارفنها
دايما نجادل في الغلط


اما بالنسبالي لصحابي [/color][/b]
متميز انا في الحته دي لان بعرف اختار صحابي قوي وعارف ياعني ايه كلمة صاحب ودي حاجه نادرة في الزمن ده انك تعمل صاحب صعب جد الصاحب دلوقتي بقى اصعب من السفر
السفر اسهل جداً من أنك تعمل صاحب
اما خطيبتي فلو فسخت الخطوبة اكيد هلاقي غيرها واحسن منها دي حقيقة انا عمري ما خسر صاحبي عشان خطيبتي حتى لو كانت هي ايه
انما لو مراتي اكيد هيبقى في كلام تاني
بس صاحبي فوق كل شئ

اما الشخص اللي بيعجبني اكيد الشخص العاقل اللي بيعرف يطلع الكلام في وقته ومش اي كلام يقوله ويعرف معني الكلام اللي بيتقال ويعرف انه راجل وله كلمة

اما الواحدة الحاجة اللي بتعجبني فيها تكون خجولة وهادية وصوتها واطي

[/b]

الصلاة طبعا عماد الدين ابقى بضحك عليك لو قولت ان محافظ عليها بس بحاول احافظ عليها بالذات واحنا في غربة

اما المصحف اكيد مليون في المية خلصته مش انا لوحدي كل الناس اللي هنا في رمضان معظمهم بيخلصوا المصحف بعد رمضان لو قولت اني بمسك المصحف ابقى بضحك عليك


اما بالنسبة للقيم والمبادي ممكن اقول حاجه ومعملهاش عشان انا مش ملاك كلنا بشر بدليل ان الواحد بيبقى عارف الصح والغلط وبيعمل الغلط برده مش شرط افعل ما اقول علي حسب الموقف اللي الواحد فيه
اكيد مؤمن بالقيم والمبادئ ولازم يكون الانسان عنده مبدأ بس برده ما قدرش اقولك اني بعمل بالقيم والمبادئ ابقى بضحك عليك والله بس انابحاول اعمل اللي مايزعل الناس منك
اصل انت عارف لو انا عملت بالمبادئ والقيم هبقى حاجه شاذه في المجتمع بتاعنا



اما استدعاء ولي امري كانت علي طول بس كنت بقول مسافر


اما اخر هدية كانت للأمي كانت قبل اما اسافر




اما الخبر اللي مش كويس

كان خبر عبارة السلام


اما جريمة اتمنى اعملها

اقتل كل ظالم


اما بالنسبة لذكر او راجل


اكيد ذكر واكيد راجل دي مطلوبة ودي مطلوبة
متقدرش تستغني عن حاجه فيهم لانهم بيكملوا بعض من وجهة نظري هي مش بتفرق كتير من ناحية ذكر او راجل بس انت بتبدأ ذكر وتبدأ مراحل الرجولة بعد كده
درجه درجه لحد اما تبقى راجل بجد



اما بالنسبة للذم كان مدير الشركة بتاعي عشان ظلمني كتير قوي


اما بالنسبة للفزورة على قد علمي المتواضع عندما تصبح الاجابة خاطئة


اتمنى اكون وقفت في ردي علي اسئلتك وشكرا ليك

اسمك الحقيقي
كام سنة
طولك قد ايه
وزنك
اخر مرة كلمت ولدتك فيها
مين اقرب اليك في اخواتك
شغال فين في الكويت
وشغال في ايه
وبقالك قد ايه
كام مرة خطبت
اخر مرة كنت معوزم فيها كان يوم ايه
وعند مين
وكام واحد كان موجود
واكل ايه اللي كان موجود في العزومة
مين الصاحب اللي بتحب ترخم عليه قوي وبتحبة في نفس الوقت
كلمنا عن نفسك شوية بإختصار
اخرة مرة صليت فيها الفجر
اكتر واحد تحب تقوله شكرا
بتحب امك ولا ابوك اكتر
علاقة القطة بالصورة بتاعك وهل الصورة دي بتاعك
اخر مرة خرجت فيها امته ومع مين وفين وعملت ايه
كفاية كده النهارده عشان ما بقاش تقيلة عليك في اول يوم

انا احب اشكر الاخ ابو فارس علي توضيح سؤال ذكر أو رجل

الصفحة الثانية من الاسئلة
اخرة مرة ابوك ضربك فيها امته
وليه ضربك وعشان ايه
امك بالنسبه ليك ايه
نفسك تحلم بمين
بتعرف تتكلم انجليزي
انت ذكي ولا غبي
اكتر واحد بتكرهه في الدنيا مين
انت بتحب المنتدى
اخر ذنب عملته ايه
اخر مرة دخلت فيها شات امته
اخر مرة ركبت سيارة ومع مين واسمة وشغال ايه
حلم حياتك
نفسك تموت ازاي
بتاكل كام مرة في اليوم
بتعرف تطبخ
الاكل المفضلة
بتنام كام ساعة
بتحب الكذب
ايه رأيك في الناس
تعرف تتكلم انجليز ولو لا اديني السبب
اخر مرة انضربت فيها من مدرس ومدرس ايه
واسمة وساكن فين

احب اعرف الاخ مصطفى كامل ان الاخت رشا مش اخت اكيد اخ بس متنكر فى الاسم , لانه اكيد مسافر اما بالكويت او دولة خليجية لانه او لانها بتقول اخر مرة ركبيت فيها سيارة وده مصطلح ما بينقال الا هنا بالكويت او ادولة خليجية خليك قوى الملاحظة يادرش ونتقابل بقى الجمعة بالحساوى اوكى , وطبعا مافى بنات مسافرين من البلد بها الاسم يازميل , وفقك الله

حبيب قلبي صالح وحشتني جداً والله اخبار ايه

لازم ارد يا صالح الله واعلم رجل ولا ست بس دي اصول اللعبة وكله متفق عليها

هي مش هتفرق معايا سواء رجل او ست

اخرة مرة ابويا ضربني

من زمان قوي وكان قلم

عشان محضرتش الامتحانات

اما بالنسبة لامي

هي كل حياتي


نفسي احلم بمين

احلم بالرسول

مش بعرف اتكلم انجليزي حاجه بسيطة خالص

اما بالنسبة للذكاء

اكيد الاتنين مشتركين مع بعض مش ابقى ذكي علي طول لازم في اوقات حتى لو ذكي اعمل غبي علي حسب الموقف

اكتر واحد بكرهه

الشيطان

اكيد بحب المنتدى عشان الواحد بقى له اصحاب عليه

اخر ذنب عملته

وانا بتكلم دلوقتي

اخرة مرة دخلت فيها شات

كانت من حوالي 8 شهور

اخر مرة ركبت سيارة

من يومين مع خالد وشغال في وزارة الاوقاف

حلم حياتي

الاقصى ترجع تاني

اما نفسي اموت ازاي

نفسي اموت من الضحك هههههههه

اما الاكل

علي حسب مكن مرتين لتلاته العادي بتاع الناس

اكيد بعرف اطبخ حتى اللي ما بيعرفش يطبخ بيجي هنا يتعلم كل حاجه

الاكله المفضلة

المكرونة


اما النوم

علي حسب الحالة اللي الواحد فيها سواء تفكير في مصر

او عايز تشوف اهلك او جاي من الشغل تعبان ده اللي بيحدد معايا


اما الكدب

بقت في زمانا حاجه عدية جداً ولازم منها مش بقولك اني بحب الكدب بس في الزمن ده لازم تكدب بس مش كل الكدب اللي يتقال كدب عن كدب بيفرق مع انه في الاخر كدب

راي في لناس


الناس زي ما هي واكيد في ناس كويسه كتير ووحشة كتير برده


اخر مرة انضربت فيها كان من مدرس الفرنساوي في اولى ثانوي

اسمة عماد ساكن في المحلة



ملحوظة اللي عنده اسئلة يكتبها وانا هرد عليها يوم الاحد ان شاء الله

لان في يومين اجازة الجمعة والسبت


شكراً

saleh abu marwan كتب:احب اعرف الاخ مصطفى كامل ان الاخت رشا مش اخت اكيد اخ بس متنكر فى الاسم , لانه اكيد مسافر اما بالكويت او دولة خليجية لانه او لانها بتقول اخر مرة ركبيت فيها سيارة وده مصطلح ما بينقال الا هنا بالكويت او ادولة خليجية خليك قوى الملاحظة يادرش ونتقابل بقى الجمعة بالحساوى اوكى , وطبعا مافى بنات مسافرين من البلد بها الاسم يازميل , وفقك الله

ياكابتن صالح لو سمحت هنا كرسى الاعتراف ومش من حقك انك تقول على عضو ولد اوبنت ولو هيحصل ده قى التوبيك فمن الاحسن ان يحذف

وللمره المليون ياريت كل واحد يراجع قوانين التوبيك قبل اما يحط راى
وياريت نقفل وكمل يامصطفى بقيت ردك على الاسئله

اولا احب اعرف الاخت رشا او الاخ اللى رد عليا انا حبيت اوضح وجهت نظرى ليس الا وانا لا يعنينى بالمرة اذا كانت الاخت رشا اخ او اخت احبيت اعرفك مصطفى تعليقى ليس الا وكمان للاسف انا ما قرات قوانين اللعبة لانى لفت نظرى ردود مصطفى الجميلة ليس الا ويجب ان يكون الرد عليا اكثر ذوقا من ذلك وسامحونى ان كنت تقلت عليكم وسامحونى عشان فهمتونى غلط وشكرا لكل القائمين على المنتدى واعضاؤه
saleh abu marwan - kuwait - hawally

صباح الخير علي كل من في المنتدى

انا حبيت اختار حبيب الروح لكرسي الاعتراف

وانا اخترت ست الكل حبيب الروح زي الاستاذ مصطفي اما اختارها وبشكر الاستاذ مصطفي وبحية علي الاسئلة وصراحته وبحب اشكر الاستاذ صالح وبحيية وبعزمه برده علي الخطوبة عشان يعرف اذا كنت ست ولا رجل

وأنا كمان برشح حبيب الروح للجلوس على كرسي الاعتراف

معاكم طبعا

بس يارب الترشيح يوصل لعدد 5 أعضاء وهذا ليس من شأنه التقليل من شأن حبيب
الروح ولكن قلة تواجد الأعضاء في المنتدى فدائما لا يوجد غير اثنان أو
ثلاثة أعضاء متواجدين والباقي يدخل على استحياء

الظاهر ان المنتدى دا فاشل

وانا معاكم اخترت حبيب الروووووووووووووووووووووح

والان وبعد الوصول للعد 5 يتم جلوس حبيب الروح على الكرسى