في البداية احب اعرف نفسي لجميع الاعضاء اللي سجلت من بعد مارحلت عن المنتدي انا كنت مشرف علي بعض الاقسام في المنتدي ورحلت فجأة بدون سابق انذار حتي لأي حد ومن غير استقالة ومن غير أي حاجة بس دة كان لظروف عملي واحب اوضح الصورة لجميع الاعضاء والمشرفين اللي تسائلوا عن الغياب المفاجئ انا في دولة تانية خارج مصر واكيد كل اللي في الغربة عارفين ان أوامر العمل مفيش فيها نقاش انا لما غبت عن المنتدي كان لظروف عملي واعتقد ان الكلمة دي تكفي أي حد في غربة وعارف يعني اية شغل او انتقال من مكان العمل لمكان اخر
انا دخلت امس علي المنتدي بس مكنش في وقت كافي اني ارد علي أي موضوع واليوم ايضا مفيش عندي وقت وممكن لأسبوع او اتنين كمان مقدرش اشارك في المنتدي بس لفت نظري موضوع بشدة وهو استقالة الاخ الغالي أبو فارس العضو الذي يكاد يكون هو الوحيد المحافظ علي الجمال في مواضيعة او ردودة في المنتدي وتواجدة في المنتدي والله اعلم انه من احب الشخصيات الي قلبي واتمني من الله ان يعدل عن استقالتة وانا علي يقين انه سيعود مرة اخري لمنتداه لأنة لا يستطيع ان يتخلي عن المساهمة في تقدم قريتة والتي هي احب الية من أي بلد آخر وايضا احب اوجة رسالة الي الاخ أسامة وهي كلمتة التي اشتهر بها الاختلاف في الرأي لايفسد للود قضية اتمني ان تمر هذه الأزمة علي خير وبعدين من غير المواضيع والأزمات اللي بتحصل في المنتدي ممكن نحس بالملل جايز يكون الاختلافات والازمات دي كلها علشان نقرب اكتر من بعض ولا اية ياسمسم
وبعدين يا أخي دا العالم فية ازمة اقتصادية مش عايز المنتدي كمان يبقي فية ازمة
إن شاء الله المنتدي هيتطور هيكون افضل بس انا ليا طلب واحد من كل الاعضاء
برجاء إلتماس الأعذار للآخرين حتي يلتمس الآخرين عذرنا في يوم من الأيام