كرسى الأعتراف:سما على الكرسى

وانا هختار مصطفى كامل
وتسلم ايدك على الفكره

وانا اخترت حبيب الروح
وشكرا علي الفكره
انا مستعد انطلق

الله عليكم يا جماعة والله فكرة جامدة جداً

بس بصراحة انا كنت أتمنى أسأل عضو تاني غير مصطفى كامل

لكن بما إن ترشيح الأعضاء خلص والأخ مصطفى خد 3 أصوات إذن أنا كمان

هشرّح - قصدي - هرشح مصطفى كامل

انا بصراحة شايفكم مزنوقين في واحد قلت أخلصكم من الموضع ده والأجر والثواب عند الله

وأضم صوتي لكم باستضافة العضو النشيط جداً مصطفى كامل على كرسي الاعتراف

وربنا معاه لإنها مسئولية

وبحيي صاحب الفكرة وأظن إنه استوحى الفكرة دي من اسمه لأنه يعتبر قريب من الموضوع على أساس إنه بيسأل وفي حد يرد عليه

وبحيي أيضاً الأخ (وعجلت اليك ربى لترضى) على تملصه من الكرسي لكني بقوله

هيجيلك يوم وتقعد عليه

خلاص يا جماعة انا مستعد علي الرد لجميع الاسئلة اللي انتم تختاروها اي اسئلة واكيد انا عندي صراحة كافية
1



2

3

4

5



انطلقوا

هسأل نفسي اول سؤال
انا عايز ايه من الدنيا دي

عايز اشوف الناس كلهم بيحبوا بعض
عايز اشوف الكعبة والمدينة المنورة وازور الرسول
عايز الستر والرضا والقناعة
عايز مكرهش حد ولا حد يكهرني
عايز الاقي واحده احبها واخاف عليها واديها عمري كله قصاد لمسه حنية منها
عايز الاقصى ترجع لينا
عايز المسلمين يبقوا ايد واحده
عايز يبقى في كلمة حق
عايز كل واحد يرضى بنصيبه
عايز كل واحد فينا يحقق كل اللي بيحلم بيه حتى لو محلصش مييأس
عايز يكون املنا في ربنا كبير
عايز نرمي حمولنا علي الله
عايز اقول في اخر كلامي
كله يقول يارب

أبو فارس كتب:اه

وبحيي أيضاً الأخ (وعجلت اليك ربى لترضى) على تملصه من الكرسي لكني بقوله

هيجيلك يوم وتقعد عليه

الحمد لله ان الواحد خلص من اللعبة دى كنت هكون اول ضحية للصراحة
ولما يجى اليوم دا يكون حلها الف حلال
وكمان متنساش ابو فارس ان هيكون لك يوم وكما تدين تدان

خلاص يا جماعة انا مستعد علي الرد لجميع الاسئلة اللي انتم تختاروها اي اسئلة واكيد انا عندي صراحة كافية
1



2

3

4

5



انطلقوا

اكيد ما تردتش لاسباب كتير قوي قوي
اولا هعرف اخبار البلد
اخبار اصحابي
بتعرف على ناس محترمة زي حضرتك وزي ناس تانية كتير
بحب اتعرف علي ناس جديده
اكيد الاشتراك في المنتدى في مميزات تانية كتير قوي


أما بالنسبة للغربة
فده اصعب شئ في الدنيا
مع اني بحبه جداً
بس ده ما يسويش دمعة واحده من اللي شوفتها في عين امي وهي بتاخدني في حضنها
مش هقولك ظروف البلد وظروف اقتصادية وظروف مالية وحسني مبارك والكلام ده كل ده ما عمرة ما يعمل فرق معايا لاني واخد الدنيا ببساطة قوي لانه كله محصل بعضة في الاخر وبتلاقي العمر بيخلص منك وانت ناقصك حاجات كتير قوي
الغربة فيها ميزة واحده بس انك بتبنى نفسك ودي كمان حاجه في علم الغيب علي حسب الظروف
وممكن تعمل اصحاب بس مش زي اللي انتم عملتهم قبل كده بس الصاحب اللي بيتعمل في الغربة بيبقى صاحب بجد وتقدر تتكلم معاه في كل حاجه ويقدر يقف معاك في حاجات كتير وتاخدك بنصيحته عشان هو صاحبك مش عايز منك حاجه
اما البلد فيها اصحابي
اهلي واخواتي
اما بتتعب حتى بتلاقي حد ياخدك ويجيبك
تلاقي اللي بيسأل عليك
تلاقي حنان اهلك عليك
تلاقي اللي يغطيك بالليل وانت نايم
تلاقي حاجات كتير قوي



اكتر حاجه مفتقدها في الغربة اكيد اهلي طبعا واصحابي

بس اكتر حاجه محتاجه ومفتقدها هو حضن امي لانه بيعمل معايا حاجات كتير فوق ما تتخيلها

وشكرا علي اسئلتك ومستني باقي الاسئلة

ازيك يا مصطفي ايه الاخبارانتي سافرت امتي يا بني؟
ينفع كدة تسافر من غير ما تقول لو اصحابنا عرفو هيزعلو جامد منك
علي فكرة علي العموم خللي بالك من نفسك وترجعلنا بالسلامه ان شاء الله

ممكن اعرف منك ايه اكتر حاجة خير انته عملتها
وايه اكبر حاجة شر انته عملتها
وايه اكبر حاجة خير عاوز تعملها
وايه اكبر حاجة شر كنت هتعملها بس ربني سترها معاك

تحت شعار الاول
ممكن نعرف من الاخ مصطفي كامل ايه هو اكبر خير عمله
وممكن نعرف من ايه اكبر حاجة شر هو عمله
وممكن نعرف منه ايه الخير اللي ممكن يعمله
وممكن نعرف ايه هو الشر اللي كان هيعمله بس ربنا سترها معاه

يلا ياجماعه
دا لسه 6 ايم يا مصطفى يعنى هتموت من الاسئله جاوب على اسئله الناس علشان انا كمان عاوز اديلك شويه حاجات حلوه كده

أولا اشكر الاخ ابو الكلام علي الاسئلة
ثانيا: احب اوضح للأخ ابو الكلام حاجات معينه الخير كتير قوي وممكن يكون خير صغير عملته ويكون احسن من الكبير مجرد انك تعدي راجل كبير الطريق ده خير ودي حاجه بسيطة جدا
الخير كتير قوي
بس اكبر خير عملته هو طاعة ربنا سبحانه وتعالى
وبعد كده طاعة ابويا وامي وعمري ما عصيتهم في شئ

أما بالنسبة للشر حاجات كتير برده وسهلة برده بس اكتر حاجه شر عملتها كانت في نفسي انا اما ما حضرتش امتحانات تانية ثانوي
دي كانت اكتر حاجه عملتها
اما الخير اللي ممكن اعمله ياااااااااااااااه حاجات كتير قوي مجرد سلام عليكم للناس ده خير بالنسبة ليا
بس في حاجات تانية كتير حتى لو بتنصح الشباب حتى لو في حاجه بسيطه ده خير بس انا نفسي الخير اللي اعملة يكون للأخرة بتاعتي وأعملة الاول في امي لان ربنا قال الجنه تحت اقدام الامهات فده اول خير عايزة اعملة هو رضى امي وابويا عليا وطبعا قبلهم ربنا ده الخير الكبير بالنسبالي من وجهة نظري المتواضعة جداً

اما بالنسبة للشر اللي كنت عايز اعملة اكيد بصراحة حاجات كتير
منها كان واحد صاحبي محجوز في مستشفى وكنت قاعد بيه وفي اول يوم له بعد العملية بالليل نزلت اتشتري ملابس ونسيته لان كان في معاد حقن بعد العملية بكام ساعة وانا كبرت دماغي وبرده نزلت اشتري الملابس وربنا سترها
وحاجه تانية كنت مش عايز اكلم واحد صاحبي عزيز عليا قوي قوي وبعد كده اتضح انه مظلوم افتكر اني دي حاجه شر لأن صاحبك مش سهل تضيعة منك بسهولة في زمن قل فيه الناس اللي بتخاف عليك

وفي نهاية كلامي اشكر الاخ/ ابو الكلام علي اختيار اسئلتة الجميلة

يلا يامصطفى جاوب على الاسئله خد اسئله كل عضو اقتباس وابدا جاوب عليها بلون مختلف

ايه يامصطفى انتا هنجت ولا ايه جاوب على الاسئله

الاسئلة خلصت ولا ايه